طبعا الصوره الي فوق مالها شغل بل موضوع الي بكتبه بس من باب ( ادعابه)
هذي تدوينه راح اكتب فيها عن 3 أفلام رعب تستاهل كلمة فلم رعب وعن نفسي من اكثر متابعي افلام رعب
واحب افلام رعب الي طول الفلم تكون ( خايف) فيه مو نفس فلم Paranormal Activity طول المده القصه عادي ومره وحده يصير شي ينززك
يالله خل نبدي بل الافلام
1 : The Strangers
القصه ( بدون حرق ) : ريال و وحبيبته يروحون بيت الحبيب وكل شي اوكي وعادي والحياه حلوه وله بنت حلال تطلب من الاخ يروح يجيب لها زقاير واهوا رايح وله تسمع كريستين(البنت) الباب ينطق
وله تروح تفتح الباب وله بنت مضيعه تفهمت معاها وله مره وحده ينخبص البيت ويبدي الفلم
الفلم صراحه روعه وانصحك تشوفه الحين لو مو شايفه الفلم ابداع وتشويق الأخر لحظه بل فلم
الاخراج بل فلم روعه ( الموسيقى) له دور بل الفلم صراحه الموسيقى كانت تخوف
Trailer
2: The Hills Have Eyes
القصه ( بدون حرق ) : عايله لطيف تقرر تسوي رحله بريه بمناسبة عيد زواج الام و الاب يوقفون عند محطه بنزين ويسئلون الي يشتغل مناك عن طريج و الي يشتغبل يوديهم طريج ( الموت)
هل طريج يودي لمنطقه يسكنونها ناس متشوهين من النووي المهم انه هل ناس يلعبون بل عايله لعب
الفلم صراحه حلوه وقصه غريبه بس الفلم يستاهل المشاهده وفيه منه جزء ثاني بس الأول احلا بوايد
اول ماشفت الفلم توقعته من افلام رعب الرخيصه لاكن الصراحه كسر توقعاتي
Trailer
3: The Last Exorcism
القصه ( بدون حرق ) : طارد الجن يجيب قناة ويقول لهم انه سوالف الجن وانه يتلبس الانسان كل جذب بجذب وأنه ( طاردي الجن) يسون علي ناس افلام ويصدقونهم
ماقدر اكمل عشان ماحرق شي
الفلم للي يحب سوالف جن وجذي اقوله شوفه حده عجيب
Trailer